|
|||||||
|
|
|
|||||
|
|
|||||||
|
|||||||
|
|
|
|||||
|
|
|||||||
方力申信和指數直逼陳冠希
502期 Yes!
如果要選最有星味運動員，以前大家一定會話係英國足球員碧咸，不過自從2000悉尼奧運之後，香港游水運動員方力申(Alex)，曝光率暴升，傳媒不單爭相報導有關佢o既運動新聞，亦不斷邀請佢出席唔同類型o既宣傳活動，但係最令佢驚訝都係自己o既相竟然o係信和都有得賣。
信和相款百幾款
事緣訪問前一個星期日，記者經過旺角信和，竟然見到起碼有三四間賣明星相o既鋪頭門口掛滿一張張Alex o既相，所以影相當日第一時間同Alex報喜。
" 我都係前幾日出席一個港台Function時，有Fans遞o左張相比我簽名，我問佢o係邊道買，佢話o係信和有好多款賣我先知，跟住有朋友o係信和行過時打電話比我，話見到好多我o既相，本來我叫佢買幾張我比睇o架！不過後尾個朋友話有成百幾款，都唔知買邊張好，我先知道咁誇張。"其實Alex o的相唔止多，原來仲好賣得。一個相鋪老細收完幾個買Alex相o既女仔錢之後，同人講："估唔到呢個靚仔(指Alex)o的相咁好賣，仲好賣過陳冠希呀！”
賣得好又點喎？我又無錢分o既！真係無咩特別開心。反而有o的驚！一路睇相我一路諗，好在我o個日唔係著短褲又係著長褲，p果唔係就樣衰。仲有佢o地見我坐o係度就係咁影，咩o野古怪表情都有，唔係張張都好o架！
其實呢排我都覺得o的Fans瘋狂o左好多。好似10月21號我出席o左一個港台活動。一上到台就見到台前有成班Fans企o係度，跟住就大叫{力申}，仲係咁叫，好鬼瘋狂。到o左落台o個陣時仲恐怖，成班Fans係咁逼埋o黎要簽名同握手，結果要勞動成班保安好似要保護政要咁用手築成圍牆護送我走。o個陣時我真係覺得好恐怖，有少少驚。
突然間咁受歡迎，好大原因係悉尼奧運效應。今次Alex o係奧運破o左兩個香港紀錄，固然開心，不過更開心o既係有兩個好朋友千里迢迢到會場為佢打氣。
好同學落本到場打氣
o係我游完奧運4*400初賽時，突然間手提電話響，原來係我一個中學同學Danny打比我。原來佢為o左幫我打氣專程抽出一日由坎培拉搭飛機 o黎睇我比賽，仲要買唔到飛入場，結果要用成港幣600蚊買黃牛飛。你諗o下兩程機票加埋張黃牛飛幾貴，佢幾有誠意捧我場！所以聽到佢個電話o個陣時我真係好開心，因為我諗返起o岩o岩入場時好似聽到有人叫{力申}，我仲以為係自己o既幻覺。可惜Danny即晚就要飛走，所以我o地都無時間一齊玩，但係我已經好開心。
好朋友無得訓都o黎同我o地相聚
另一個由香港去o左澳洲讀書o既游水朋友Kelvin亦專登由坎培拉搭飛機o黎探我，不過佢就慘囉！因為玩完一日之後，佢竟然搵唔到酒店住，但係我o地又帶唔到佢入選手村訓，所以我同另一位選手符泳索性陪佢o係街遊蕩。o個晚我o地三個就係咁成晚o係巴士站等o下車，去7-11買o野食，去機鋪打機直到天光佢有車走為止。可能夜麻麻三個人無所事事行來行去有人會覺得好無聊，但係我o地三個都好享受，好開心。
.jpeg)
.jpeg)
.jpeg)
.jpeg)