Free Web Site - Free Web Space and Site Hosting - Web Hosting - Internet Store and Ecommerce Solution Provider - High Speed Internet
Search the Web

506期 Yes!

以前要走紅，簽無線拍劇似乎係不二法門。四大天王都係由無線出身，甚至古天樂、
張家輝等亦係由電視走到歌壇。

不過，由陳慧琳、梁詠琪、陳曉東開始，到謝霆鋒，佢地都係靠自己闖出名堂，同電
視關係不大。反而因為佢地紅，電視台要一連幾晚做特輯介紹佢地。好似早前係<全
線大搜查>一連四晚全程介紹香港之子Alex Fong，就係入紅到電視台反過來追縱既最
佳例子。

過往一年新人走入<悶局>，自從爆出Edison，先將呢個悶局打破。大家可能奇怪點解
傳媒咁追捧佢，答案係因為睇到佢潛力優厚。之後既Alex Fong同樣受Fans寵愛。本黎
係2000年仲係玩票性質，但佢已經決定2001年正式加入娛樂圈。由Edison開始到Alex，
新起偶像要受外型、學歷、後台、家底等，兩個都<我係我！>！

外型

香港親民級偶像

論樣貌絕對係斯文靚仔一名，數一數二聖Jo校草。身高有5呎7吋，雖然輪蝕一o的，不過
基於日日練水，胸肌發達，係同年紀之中少數大隻仔。

學歷

正統名校出身

由細讀名校大，聖若瑟書院預料畢業，後升學美國賓夕凡尼亞洲Germantown Academy讀
大學先修班，考入美國大學之後，回流香港入讀港大工商管理係。學歷好無疑係吸引女
Fans有利因素，加上奧運表現突出，一夜成名，但Alex仍堅持每日練水，為青少年樹立左
一個好榜樣。

後台

冇背景

屋企經營賣畫生意，身邊冇熟悉娛樂圈既有勢力人士帶路，Alex入娛樂圈完全係靠自己係
游泳界有名氣，同埋爹地從旁指點。自從奧運一役打響名堂，多間公司睇好Alex，向佢招
手，包括無線電視聯營公司星藝映畫，同多間唱片公司，最終Alex會選擇．．．。

演藝天份

勇於嘗試

世界排名六十一既Alex，運動絕對強，唱歌天份由唱K培養，不過一向鬥志極強既Alex，一
旦加入娛樂圈，一定會全力以赴。

Profile

Alex

出生日期   ：1980年2月26日
星座           ：雙魚座
嗜好           ：睇NBA、足球、卓球、聽歌、睇戲
參與作品   ：{廣告}        陽光檸檬茶TVC、市政局硬照、Reebok硬照
                       {電影劇}　港台劇集<百老薈>、<Y2K前的暑假>、<青春@Y2K>(客串)
通訊           ：liksunfong@yahoo.com