|
|||||||
|
|
|
|||||
|
|
|||||||
|
|||||||
|
|
|
|||||
|
|
|||||||
童年鯊魚陰影
最怕下海
Yes! No.496
.jpg) |
| 游水除咗令我得到自信同好多獎牌外 , 仲令我得到大班支持者。我一直都唔會稱呼佢哋為Fans , 因為我覺得只有藝人先會有Fans , 所以我鍾意大家都好似我咁稱呼佢哋做支持者。我嘅一班支持者對我真係好好 , 周不時送上一樽樽幸運星、心意卡 , 甚至頸巾同布製月曆 , 佢地嘅心意我會好好珍惜咁放喺屋企慢慢欣賞。今次去奧運我都帶埋六盒佢哋送畀我嘅月餅喺身呀! |
.jpg) |
有機會想試多幾次拍廣告同劇集 自從玩票性質咁拍咗港台節目<Y2K前的暑假>後 , 我覺得自己對娛樂圈都幾有興趣 , 拍劇識嘅朋友同運動員朋友好唔同。成班運動員行埋一齊只會講運動。但係拍劇識嘅朋友會係咁講娛樂圈嘅事 , 淨係聽已經好開心。另外 , 拍完Y2K前的暑假?之後 , 差唔多每次去街都有人認得我 , 佢哋會好有善咁叫你、同你傾兩句 , 令你覺得好開心 , 好似突然間多咗好多朋友咁。 一生人最怕喺海灘游水 拍劇真係好難忘 ! 第一次面對鏡頭、第一次通宵等埋位 , 仲有拍跳海戲--呢世仔都記得呀 ! 好多人都知我好怕喺海游水 , 因為我怕海裡面深不見底 , 乜都見唔到嘅感覺 , 而且細個睇完電影大白鯊咬人之後 , 有童年陰影 , 形住喺海游水就會引到大白鯊嚟咬我。點知<Y2K>入面就有場戲要我跳落海救人 , 其實我都好驚㗎 ! 成個海都係白蚱 , 冇鯊魚咬都被白蚱炸死啦 ! 好彩後尾冇事啫 ! |
| 小學為咗游水要求調班 講到最全力支持我嘅 , 我讀過嘅三間學校真係不遺餘力。我喺堅道嘅英皇書院同學會小學謙讀時 , 本來係返下晝嘅 , 後來要方便下晝練水 , 所以我膽粗粗同學校要求調到上晝班返學 , 方便練水。大家都知道小學五六年級係連貫嘅 , 好難話調就調 , 不過嗰陣時自己已經喺學畀游泳比賽攞到唔少獎 , 所以學校居然批准我轉班 , 令我可以繼續游水。 為咗比賽我試過走堂成個月 , 返嚟被某老師撥冷水 去到中學時代 , St.Joseph's College (聖若瑟書院) 嘅校長更係全力支持學生參與各種活動。學校校風自由、運動項目更係學生強項 , 入到 St.Joseph's 令我游得更舒服、更開心。唯一缺憾就係校內有部分老師經常踩要請假比賽嘅學生。我就試過中五時因為要比賽而離開香港成個月 , 點知返到香港再上堂 , 就被某老師話我冇交功課、唔上堂 , 又話游水冇用。遇著呢啲老師 , 我都會答佢 :「我依家係用緊你納稅人啲錢為港爭光 , 我都有犧牲 , 而且係值得嘅。」 |
.jpg) |
| 中文科周老師係我最尊敬嘅老師 不過St.Joseph's 好嘅老師居都 , 而我最鍾意又最能鼓勵我嘅一定係初中教我中文嘅周老師。我同佢好似特別有緣 , 由中一至中三佢都有教我。據佢自己講 , 佢教咁耐書 , 唔會有超過十個學生係連續教三年 , 而我就係其中一個。周老師真係一個好好嘅先生 , 佢會不時問我游水嘅嘢 , 非常關心學生 ; 全心教到你明白課書為止 , 深入淺出 , 由於佢咁好 , 我游得幾辛苦都會記住讀書。 被傳同St.Joseph's 另一 學生搞基 其實讀男校都有好多搞笑嘢 ! 好似半年前我突然聽到有人傳我同低我兩級 , 一個叫Ivan嘅師弟搞基。嘩 ! 我同佢都唔熟 , 兩句偈都未傾過 , 又點搞基呀? 不過我都唔嬲 ,有乜所謂啫 ! 只要我冇做過咪得囉 ! 我將來嘅老婆一定要煮飯好叻 我好鍾意留喺屋企 , 因為我媽咪煮嘢真係好好食 , 我最鍾意食佢包嘅水餃。可能因為媽咪煮嘅嘢實在太好味 , 而且我覺得女仔煮飯Sweet啲嘛 ! 所以我第時個老婆都一定要識得煮飯 , 仲要係好好味㗎 ! |