信和賣相No.1泳手方力申打低陳冠希
便利第459期
二千年十一月十四日
奇蹟！估唔到身為香港奧運香港游泳代表嘅方力申（Alex），竟然可以打低演藝界嘅紅人陳冠希同謝霆鋒，成信和賣相No.1！其實自方力申代表香港出戰奧運之後，人氣不斷急升；傳媒爭住同佢做訪問，南華會每日都有約20個fans
等佢練水，最誇嘅係當小記帶Alex到銅鑼灣影相時，竟然引嚟半百fans起哄尖叫，爭攞簽名，認真厲害！方力申——絕對係新一代少女殺手！
方力申（Alex）20歲
5呎9吋
68公斤
興趣：游水、打籃球、打桌球
偶像：Michael Jordan、Nicolas Cage
有幾把炮：（長池）100米／200米背泳、400米混合泳香港紀錄保持者；（短池）100米／200米背泳、100米／200米／400米／混合泳香港紀錄保持者
曾拍廣告：陽光檸檬茶、Reebok、市政局
曾拍劇集：港台劇集《百老薈》、《Y2K前的暑假》
理想對象：乖、純品、有學識、冇不良嗜好
網頁：www.liksun.homepage.com
email：alsfong@hotmail.com
Fans銅鑼灣起哄攞簽名實錄
1.拍照時途人大叫
靚仔哎吔!方力申
呀!好靚仔呀!
2.Fans 隨身帶相包
圍攞簽名少女尖
叫大嗌，即刻引
來途人注意，學
生師奶阿嫂即時
瘦狂索取簽名。
3.大合照
簽完名，同學們紛紛嚷要
同Alex 影相呀!
4.追足幾條街
Alex 幫《便利》影完
相離去時， fans 們依
依不捨追隨住 Alex。
(我哋真係好鍾意你㗎
！俾心機呀!）
有學生竟然隨身攜帶Alex嘅poster同信和相，好誇張呀!
小記於銅鑼灣幫Alex
拍照時
，引起超過50 名途人圍觀！
Alex 果然勁呀!( 咦！邊個嚟
㗎?好靚仔喎!幫我簽個名吖!）
方力申真係好紅，唔到你唔信，皆因小記帶Alex喺銅鑼灣影相時，已被途經嘅學生妹即時認出，而且重立即大嗌：「好靚仔呀！」未幾已有半百fans
起哄爭攞簽名，最誇張係有fans 重攞出隨身攜帶嘅Alex信和相同poster俾佢簽名，而Alex走時，有fans
更追足佢幾條街，最後要小記做埋保母護送佢離開添！
Alex信和賣相每日過百
方力申的官方網頁係Alex朋友送嘅生日禮物，後來由fans接管，兩年內累積瀏覽人次超過六萬！
信和「New Collection」潘老闆
信和相要3蚊一張，而方力申嘅相好好賣，更不時有缺貨情況出現添！繼銅鑼灣fans 起哄後，小
記走訪咗5間信和明星相鋪，幾位老闆不約而同話：「佢啲相好好賣！」而其中「New
Collection」
相鋪老闆潘先生更話：「方力申啲相最近去得好快呀！一日差唔多賣成100張㗎！謝霆鋒同陳冠希
賣相比例係3比7，霆鋒同方力申就屬2比8，一睇就知方力申賣得最好啦！第2係陳冠希，第3謝霆鋒！」呢位當紮靚仔唔止帶挈賣相鋪不少生意，重成為不少中學生「收藏」對象添！潘生話：「有fans試過一次過買番佢成套廿幾、卅張相呀！可能方力申冇陳冠希、謝霆鋒出席咁多公開場合，所以啲相會少啲，通常一返相都會去得好快！」好似小記到信和採訪當日，亦見有fans不斷搜刮Alex相片，其中一位中學生Winnie話：「佢好靚仔、好叻呀！所以咪鍾意佢囉！」據信和老闆稱，方力申除咗有不少中學生fans，甚至連OL、媽咪級fans都有，認真厲害！不過Alex就話：「我唔覺得自己紅過霆鋒同陳冠希！亦唔覺得特別開心，我冇錢分嘅！」
Alex新舊fans爭風呷
我鍾意細過我好多嘅女仔㗎!
Samantha(左)及珊珊(右)雖然喺新界區工作，
但依然每星期有2、3日去南華會睇Alex練水。
Alex嘅fans除咗瘋狂搜刮信和相外，約10至20個fans更會到南華會門外每日等佢練水，甚具明星風範。Alex話：「有批舊嘅fans日日等我練水，佢哋好乖，咁我練完水都會同佢哋傾下偈，好似朋友咁！不過今日啲舊fans嬲咗我呀！」原來Alex參加奧運之後，就多咗一批新嘅fans等Alex，但因為同新fans傾偈冷落舊fans，惹來舊fans不滿，令Alex十分煩惱。小記亦曾到南華會問fans點解鍾意Alex，有位fans就話：「我都鍾意游水，所以知道Alex有咁嘅成績就覺得佢好叻，鍾意佢並唔係貪佢靚仔！」而另一位fans重補充話：「佢好nice，游完水後都會盡量抽時間陪我哋傾偈。」Alex咁識做，唔怪得咁得fans歡心啦！咁Alex嘅fans又點樣可以得佢歡心呢？「我鍾意啲fans乖、聽話同俾心機讀書！」Alex嘅fans，明解啦！
Alex咁受歡迎，唔知有冇諗過入娛樂圈呢？「拍咗《Y2K前的暑假》之後，其實我唔想做演員，我想做歌手。」但Alex話fans反而幾抗拒佢入娛樂圈！點解？「可能佢哋驚會同我距離遠咗啩，不過我都希望可以做part-time游水教練㗎！」
