方力申期望樣樣有佳績
東方日報二零零一年一月二十六日
「金牌經理人」旗下十多藝人
昨日齊齊返公司團拜，非常熱鬧。
康仔與太極Joey返公司團拜和
派利是，成為公司最受歡迎人物。
游泳健將方力申被黃柏高羅致，成為「金牌經理人」旗下的生力軍，Alex（方的洋名）趁新春喜慶日子，特別聯同「金牌」一班藝人許志安、蘇永康、李彩樺、鄧建明、雷頌德、吳國敬一齊返公司團拜，熱鬧非常。
回京探親過年
Alex每逢新年都會返北京過年，因為他是北京人，在當地有好多親友，可以藉新年探親，兼且逗利是，他笑說：「又可以燒炮仗，家鄉仲有好多美食，尤其北方人最愛食麵，我就最鍾意，仲有好多新年傳統食品，響香港係冇得賣。」
有指「金牌」將他視為秘密武器，他說：「唔好咁講，（今年係咪會出唱片？）我唔知道，公司嘅安排點都未知。」踏入蛇年他希望兼顧到工作、學業、游泳三方面，並且取得佳績。去年他已考入香港大學的工商管理課程，但因為要參加奧運比賽，所以他遲了半年入學：「雖然我遲咗一個學期，但我唔擔心追唔上，我會努力讀書，希望樣樣都做得更好。」
望有合作機會
團拜上方力申仲攞住許志安的新大碟，向安仔索取簽名留念，原來安仔是他的偶像，如今他跟安仔同一間經理人公司，他希望大家將來有合作的機會。另外雖然李彩樺是樂壇新一派，但她都好迷信，聽人講新年著紅色內衣褲會帶來好運，她就照辦煮碗去做，希望蛇年大紅大紫。
