體育界盼港府捲土重來
東方日報二千年十一月十三日
香港首次申辦亞運敗北而回，體育界普遍感到失望之餘，卻表現出失敗不氣餒的體育精神，期望港府進一步推動香港的體育文化，為下一次提出申辦打好基礎，有些人更相信，香港遲早會實現主辦亞運會的願望，只是時間的問題。足總主席康寶駒就認為搞體育是長久的「戰爭」，他說：「搞體育唔可以即興，辦亞運要長期嘅努力，今次失敗最大原因係設施不足、體育文化唔高，應針對呢啲弱點去改。」
打好基礎增加本錢
一班田徑運動員對香港落敗不意外，但對多哈取得主辦權則感到意外，二百米香港紀錄保持者溫健儀說：「每次爭辦宣傳都花好多錢，吸收咗今次經驗，多咗人留意體育，希望下次再提出申辦更有把握。」香港游泳代表方力申對申辦結果並不感到特別可惜，他說：「今次唔得，還可以再爭辦，政府大可趁呢個時機努力搞好香港的體育文化，呢樣嘢係健康嘅，有咗一個好嘅基礎，下次再爭都機會大啲。」雖然申辦失敗，不過在這一年半的申辦過程中，有人認為香港體育界已經「賺咗」。世界武術冠軍李暉說：「今次申辦喚醒政府同市民對體育嘅重視，今次失敗我們唔會氣餒，下次一定做得更好。」而香港首席男子羽毛球好手譚啟銓則表示難以估計下次再申辦是何時，「如果今次贏咗，加埋迪士尼開幕，對提升香港嘅知名度好有幫助，今次失敗，真係唔知幾時再會申辦，但我仍然相信一定有機會。」
